BOND - PROGRESS - CHANGE

బంధం - వృద్ధి - మార్పు

(BOND - PROGRESS - CHANGE)

    మనిషి జీవితంలో సాధించవలసిన వాటిలో ఎక్కువమంది వృద్ధికి అధిక ప్రాధాన్యతనిస్తారు. వృద్ధి అంటే సామాజికమైన విజయం. ధనాన్ని, గుర్తింపుని సాధించడం. 

    మనిషి తన ప్రాధమిక అవసరాలను తీర్చుకోవడానికి, సమాజంలో గౌరవప్రదంగా జీవించడానికి కావలసిన వస్తు సదుపాయాలను సమకూర్చుకోవడానికి ధనార్జనకు పూనుకుంటాడు. ఆ క్రమంలోనే సామాజిక కార్యకలాపాలలో తన వంతు పాత్రను కూడా పోషిస్తాడు. ఒక స్థాయికి చేరేవరకు మనిషి తనకున్న సమయంలో, శక్తిలో సింహభాగం దీనికే కేటాయిస్తాడు. ఇంతవరకూ ఎవరికైనా తప్పదు. (కొందరు జీవితాంతం కష్టపడినా ఇంతవరకూ కూడా చేరుకోలేరు. అది వేరే చర్చ) దీనితో మనిషి ఆర్ధిక కష్టాలు తీరతాయి. సామాజికంగా గుర్తింపు, గౌరవం దక్కుతాయి. ఇలా విజయం సాధించినవారిలో ఎక్కువమందికి ఆ గుర్తింపు, గౌరవం ఒక వ్యసనంగా మారతాయి. దీనితో అలాంటి గుర్తింపునివ్వని జీవితపు మిగతా అవసరాలను నిర్లక్ష్యం చేయనారంభిస్తాడు.  

    నిజానికి ఆర్ధిక సమస్యల కన్నా, ఏ గుర్తింపు లేని అనామకత్వపు అవమానాల బాధ కన్నా ఎక్కువ సమస్యలు, ఎక్కువ బాధలు మనిషికి ఇతరులతో తనకున్న బాంధవ్యాల కోణం నుండి కలుగుతాయి. ఐతే ఆ బాధలు చుట్టుముట్టేవరకు వాటి గురించి ఎవరూ ఆలోచించరు. ఎందుకంటే మనిషి తన అవసరాలను తీర్చుకోవడానికి, నలుగురిలో గుర్తింపు తెచ్చుకోవడానికి,  సమాజంలో తన వంతుపాత్ర పోషించడానికి ధనార్జన చేయక తప్పదు. కానీ అటువంటి ప్రేరేపకమేదీ మనిషికి బాంధవ్యాల కోణంలో ఉండదు. అందుకే దానిని నిర్లక్ష్యం చేస్తాడు.

    మనిషికి ఆర్ధికేతరంగా ఒక్క బాంధవ్యాలకోణంలోనే కాక మరో కోణం నుండి కూడా సమస్య ఎదురౌతుంది. అదే కాలంతో పాటు మారలేకపోవడం.

NICE GUY & BADASS (Part-3)

 

Gentleman Politics - Power Politics

స్వతంత్ర భారతదేశంలోని రాజకీయాలనే తీసుకుంటే అవి మొదట్లో Nice Guy Politicsగా (Gentleman Politics) ఉండేవి. రాజకీయ ప్రత్యర్థులు ఒకరినొకరు గౌరవించుకొనేవారు. పరస్పరం సద్విమర్శలు చేసుకునేవారు. ఇవతలి వారు ఆ విమర్శలను ఆహ్వానించి తమలో లోపాలుంటే సరిదిద్దుకునేవారు. కీలక సమయాలలో ప్రత్యర్థుల అభిప్రాయాలను కోరేవారు. వారితో సంప్రదించేవారు. ప్రత్యర్థులిచ్చే సలహాలు, సూచనలను శ్రద్దగా పరిశీలించేవారు, పాటించేవారు. వీటినే ప్రజాస్వామ్య విలువలుగా రాజకీయాలలో చెప్పుకుంటారు.

కాలక్రమంలో Nice Guy Politics కాస్తా Badass Politics గా (Power Politics) రూపాంతరం చెందాయి. 

రాజకీయ ప్రత్యర్థులమీద కువిమర్శలు చేయడం,  

కావాలని నిందలు వేయడం, 

వారికి దురుద్దేశాలు ఆపాదించడం, 

వ్యక్తిగత విమర్శలు చేయడం, 

వేయి అబద్దాలతో దుష్ప్రచారం చేయడం

ప్రత్యర్థులను ఆత్మరక్షణలో పడవేయడం

వారి ఆత్మవిశ్వాసం దెబ్బతినేటట్లు చేయడం

దాడులు చేయడం, 

భయపెట్టడం, 

ఎక్కిరించడం, 

ఎగతాళి చేయడం, 

వెటకారంగా మాట్లాడటం,

విలువ ఇవ్వకుండా పురుగును తీసిపడేసినట్లు మాట్లాడటం, 

ప్రత్యర్థివర్గాన్ని బలహీనపరచడం

Mind Game ఆడటం, 

ప్రలోభాలకు గురిచేయడం, 

వారి Emotionsతో ఆడుకోవడం, 

గుండె గాయపడేటట్లు దూషించడం, 

ప్రత్యర్థి ఆర్థిక మూలాలను దెబ్బకొట్టడం, 

వారు mentalగా Unhinge అయ్యేటట్లు దుర్భాషలాడటం, 

వారిని అవమానించడం, 

వారిని ఇబ్బందిపెట్టడం, 

వారిని రకరకాల కష్టనష్టాలకు గురిచేయడం .... 

ఇవన్నీ Badass Politicsగా మనం చెప్పుకోవచ్చు.

తొలినాళ్ళలో ఆదర్శభావజాలం కలిగిన ఉన్నత విద్యావంతులు ప్రజాసేవా దృక్పథంతో, దేశభక్తితో రాజకీయాలలో ప్రవేశించి విలువలతో వ్యవహరించి రాణించేవారు. 

కాలక్రమంలో.... 

అధికారంలోకి రావడానికి అల్ప ప్రయోజనాలకు ఓటును అమ్ముకునే పాటకజనాన్ని manage చేయగలిగితే చాలు ; ఈ విలువలు ఎవడికి కావాలనే స్వార్థరాజకీయనాయకుల ప్రవేశంతో దేశరాజకీయాలు దిగజారాయి. క్రమంగా దేశభక్త నేతలను ఈ విలువలు లేని నేతలు replace చేసివేశారు. నేటి దుస్థితికి ఇదే కారణం.   

ఇప్పుడు....

పాటకజనం ఓట్లేస్తున్నారు

స్వార్థపరులు అధికారంలోకి వస్తున్నారు

దేశభక్తులు గుడ్లప్పగించి చూస్తున్నారు.

ఇదే నేటి దేశ రాజకీయ పరిస్థితి. 

Some More Examples

క్రికెట్ ఆటలో స్లెడ్జింగ్ Badass Tendencyనే. 

క్రీడాస్పూర్తి లేకుండా ప్రత్యర్థి జట్టులోని ఆటగాళ్ళను సూటిపోటి మాటలతో వేధించి, వారిని mentalగా Unhinge చేసి, తద్వారా ఆటమీద ఏకాగ్రత లేకుండా చేసి, ఓడిపోయేటట్లు చేయడమే ఈ స్లెడ్జింగ్ ఉద్దేశం. 

భారతీయ సినిమాలలోని కథానాయకుడు ఒకప్పుడు Nice Guy గా ఉండేవాడు. నేటి కాలంలో అతడు Badass గా రూపాంతరం చెందాడు.  

ఆదర్శవాదం ఎదుటి వ్యక్తి విలువ, గౌరవం ఇనుమడించే భాషను మాట్లాడమంటుంది.

అనాదర్శవాదం ఎదుటివ్యక్తి విలువను తుంచివేసే భాషను మాట్లాడమంటుంది. 

ఏం పీకుతావో పీక్కో, 

దొబ్బెయ్, 

నీకు అంత సీన్ లేదమ్మా, 

కళ్ళు దొబ్బినయ్యా, 

రా చూసుకుందాం, 

కొట్టానంటే ఎగిరి మీ ఊళ్ళో పడతావ్ 

...ఇలాంటి మాటలు.

మర్యాద - బలుపు

నీ భాష (వ్యవహరించేతీరు) మర్యాద అయినపుడు ఎదుటి మనిషి భాష బలుపు అయితే  అతడు నీ భాషనైనా నేర్చుకోవాలి లేదా నీవు అతడి భాషనైనా నేర్చుకోవాలి,  .

NICE GUY & BADASS (Part-2)

Nice Guy vs Badass

వాస్తవవాది ఎదుటివ్యక్తిని బట్టి తన ప్రవర్తనను మార్చుకుంటాడు. కనుక వాస్తవవాదిని పక్కన పెట్టి మిగిలిన ఇరువురు సమాజంలో ఒకరితో ఒకరు ఎలా వ్యవహరిస్తారో పరిశీలిద్దాం. 

ఇది నాలుగు రకాలుగా ఉంటుంది.  

A.ఆదర్శవాది - B.ఆదర్శవాది             (A. Nice Guy - B. Nice Guy)

A.ఆదర్శవాది - B.అనాదర్శవాది         (A. Nice Guy - B. Badass)

A.అనాదర్శవాది - B.ఆదర్శవాది         (A. Badass - B. Nice Guy)

A.అనాదర్శవాది - B.అనాదర్శవాది     (A. Badass - B. Badass)     

ఉదాహరణకు A ని B విష్ చేసాడనుకుందాం. పైన పేర్కొన్న నాలుగు సందర్భాలలోనూ Dynamics వేరువేరుగా ఉంటాయి. వాటిని మనం ఓ సారి పరిశీలిద్దాం. 

A. Nice Guy    -     B. Nice Guy

ఇక్కడ A & B ఇరువురూ Nice Guys అయిన పక్షంలో ఒక చక్కటి సుహృద్భావ సన్నివేశం ఆవిష్కరింపబడుతుంది. 

A:     తనను B గౌరవించినందుకుగాను సంతోషిస్తాడు, ప్రసన్నుడౌతాడు. 

B:     ఎదుటివారిని గౌరవించిన సంస్కారవంతుడవుతాడు. 

A. Nice Guy     -     B. Badass

కానీ ఇక్కడ A Nice Guy అయి ఉండి B Badass అయిన పక్షంలో పరిస్థితి మరోలా ఉంటుంది. 

A:   తనను B గౌరవించినందుకుగాను ఎప్పట్లానే సంతోషిస్తాడు. జిత్తులమారి వాడిని నమ్మిన అమాయకుడు అవుతాడు.

B:    విష్ చేయడం ద్వారా A తో rapport పెంచుకొని ముందు ముందు అతని ద్వారా తన ప్రయోజనాలు నెరవేర్చుకోవాలన్నదే B ఎత్తుగడ అయి ఉంటుంది. 

A. Badass     -     B. Nice Guy

A:    తన పాచికలు విసరడానికి Nice Guy అయిన B ని ఒక easy target గా నిర్థారించుకుంటాడు. 

B:     ఎప్పట్లానే తన సంస్కారం కొద్దీ ఎదుటివారిని గౌరవించాలనుకుంటాడు. అపాత్రుడిని గౌరవించిన వెర్రివాడవుతాడు.

A. Badass     -     B. Badass

A:     తనతో ఏదో అవసరం ఉన్నది గనుకనే B తనకు నమస్కరించాడని భావించి, అతడిని అవమానించే విధంగా ప్రతినమస్కారం కూడా చేయకుండా ఏమీ గమనించనట్లు వెళ్ళిపోతాడు.

B:     తన పప్పులు A దగ్గర ఉడకవని తెలుసుకుని మరోసారి అతని దగ్గర తన అతి తెలివితేటలు ప్రదర్శించడు. 

పెద్దలను గౌరవించవలెను అనే కోణంలో మరో ఉదాహరణను పరిశీలిద్దాం

ఆదర్శవాదం (Idealism) ప్రకారం మనం పెద్దలందరినీ గౌరవించాలి. పెద్దరికం గలిగిన పెద్దలున్నంతవరకు ఈ నీతి ఎంతో హర్షణీయం. కానీ ఆదర్శవాదం అనేది పెద్దరికంలేని పెద్దలుండే పరిస్థితిని అసలు ఊహించదు. వారితో ఎలా ఉండాలో చెప్పదు. 

సరిగా ఈ కారణంచేతనే Cynicism యొక్క ఆవశ్యకత ఏర్పడింది. ఈ అనాదర్శవాదం (Cynicism) పేరుకే పెద్దలు.. వారిలో పెద్దరికమనేదే ఉండదు.. కనుక వారిని గౌరవించాల్సిన పనిలేదని వాదిస్తుంది. పెద్దరికం కలిగిన పెద్దలుంటారనే విషయాన్ని Cynicism గుర్తించదు. వారిని గౌరవించాలని చెప్పదు. 

ఇక వాస్తవవాదం (Realism) పెద్దరికమున్న పెద్దలను గౌరవిస్తుంది, అదిలేనివారిని గౌరవించదు.

పెద్దరికమున్న పెద్దలు, వారిని గౌరవించగలిగే సంస్కారమున్న పిన్నలు; ఈ ఇరువురూ ఒకచోట తటస్థపడితే హర్షణీయమైన సన్నివేశం ఆవిష్కరింపబడుతుంది. వారు సమాజంలో బుధజన సమూహంగా కీర్తింపబడతారు. ఇటువంటి విలువలున్న ప్రదేశాన్నే లక్ష్మి తనకు నిలయంగా మార్చుకుంటుంది. 

 కానీ దురదృష్టవశాత్తూ అన్ని ప్రదేశాలలో, అన్ని సందర్భాలలో ఇది సాధ్యం కాదు. 

విలువలు లేనివారికి లక్ష్మి దూరంగా జరిగి పోతుంది. వారు పేదరికంలో మగ్గుతూ అలగాజనంగా పిలువబడుతుంటారు. వారిలో పెద్దరికమున్న పెద్దలు ఉండరు, సంస్కారమున్న పిన్నలూ ఉండరు.

ఆదర్శవాదం ప్రతీసారీ సాధ్యమవటం వాంఛనీయం, అభిలషణీయం; 

అనేకసార్లు సాధ్యం కాకపోవడం ఒక విచారకరమైన వాస్తవం.  

కనుకనే మనిషికి చిన్ననాటినుండి ఆదర్శవాదం మాత్రమే బోధింపబడుతుంది. అనాదర్శవాదం ఎప్పుడూ బోధింపబడదు. దానిని మనిషి కాలక్రమంలో వ్యవహారజ్ఞానం పెంపొందే కొలదీ, మానవ సంబంధాలలో అనుభవం పెరిగే కొలదీ స్వయంగా గ్రహిస్తాడు. 

కనుక ఎవరైనా సరే తమ First Priority ని Idialism కే ఇవ్వాలి. పరిస్థితినిబట్టి Cynicism ని కూడా ఆచరించగలిగినవాడై ఉండాలి. అదే Realism అనిపించుకుంటుంది.

NICE GUY & BADASS (Part-1)

 

ఆదర్శవాదం - అనాదర్శవాదం - వాస్తవిక వాదం

Idealism - Cynicism - Realism

ఓ మనిషి తాను బ్రతికే సమాజంలో ఇతరులతో వ్యవహరించే విధానంలో మనం కొన్ని రకాలైన పోకడలను గమనించవచ్చు. 

తన ప్రవర్తన తనకు ప్రయోజనకరంగా ఉన్నదా లేదా అన్నదానికన్నా ఇతరులకు ఆమోదయోగ్యంగా ఉన్నదా లేదా అన్నవిషయానికే అధిక ప్రాధాన్యత నిచ్చేవాడు Nice Guy.

తనను ఇబ్బందిపెట్టడానికి, నష్టపరచడానికి ఎదుటివారు కుయుక్తితో ప్రయత్నించే అవకాశమున్నదని భావించి, అందరితో ముందునుంచే అమర్యాదకరంగా, మొరటుగా వ్యవహరించేవాడు Badass.

ఎదుటివారితో వ్యవహరించేటపుడు వారెటువంటివారో గమనించి సజ్జనులైతే మర్యదపూర్వకంగానూ, దుష్టబుద్ధి కలిగినవారైతే వారి ఆటకట్టించే విధంగానూ సందర్భాన్నిబట్టి ప్రవర్తించేవాడు Perfect Person. 

మనుషులలో మనం గమనించగలిగే ఈ విధమైన ప్రవర్తనల వెనుక ఉన్న తాత్విక నేపథ్యాన్ని ఓసారి పరిశీలిస్తే....

Nice Guy ను నడిపించేది ఆదర్శవాదం (Idealism).

Badass అనుసరించేది (Cynicism), 

Perfect Person  ఆచరించేది వాస్తవిక వాదం (Realism)

ఈ మూడింటినీ ఒకసారి పరిశీలిద్దాం

ఆదర్శవాదం (Idealism):

 

సమాజంలో మనం నడచుకోవలసిన విధానానికి సంబంధించి మనకు ఎప్పుడూ ఆదర్శవంతమైన ప్రవర్తనమాత్రమే బోధింపబడుతుంది. అంటే ఇక్కడ సమాజంలోని వ్యక్తులందరూ ఆదర్శంగా ఉన్నట్లు భావించబడి వారితో మనంకూడా వారికి తగినవిధంగా ఆదర్శంగా ఉండాలని భావం. 

ఆదర్శవాదం (Idealism) అనేది ఆదర్శాన్ని తప్ప మరిదేనినీ బోధించదు, అంగీకరించదు. అది నీలోనూ, నాలోనూ అలానే మిగిలిన అందరిలోనూ కేవలం ఆదర్శాన్ని మాత్రమే ఆశిస్తుంది. అందుకే ఇది ఒక ఆశావాదం (Optimism). 

ఇది వాస్తవికతను (Reality) పరిగణనలోకి తీసుకోదు. అంటే ఆచరణలో ఎదురయ్యే క్షేత్రస్థాయి పరిస్థితులను గురించి ఆలోచించదు. అందుకే ఆదర్శవాదం ఒక అవాస్తవికవాదం. అలాగని ఆదర్శవాదాన్ని పూర్తిగా తోసిపుచ్చలేం.

వాస్తవిక పరిస్థితులు అనుకూలంగా ఉన్నపుడు ఆదర్శవాదాన్ని ఆచరించగలిగితే అంతకన్న హర్షణీయమైన విషయం మరోటి ఉండదు. అంతకన్నా ఆశించదగినది కూడా మరోటి ఉండదు. ఆదర్శానికి వాస్తవానికి వైరుధ్యం లేని పరిస్థితి అంత గొప్పది. 

కానీ విచారకరమైన విషయమేమిటంటే ఎక్కువ సందర్భాలలో ఆదర్శవాదానికి పరిస్థితులు సహకరించవు. ఆదర్శానికి వాస్తవానికి వైరుధ్యం ఉంటుంది. వాస్తవిక పరిస్థితులు అనుకూలంగా లేనపుడు కూడా ఆదర్శవాదాన్ని ఆచరించాలని ప్రయత్నించడం వెర్రితనమే అవుతుంది. 

అనాదర్శవాదం (Cynicism):  

(Cynicism అనే ఆంగ్లపదానికి సమానార్థకమైన తెలుగు పదం వాడుకలో లేదు. ఈ సినిసిజాన్ని ఆదర్శవాదానికి విరుద్ధమైనదానిగా పేర్కొంటున్నందున దీనికి అనాదర్శవాదం అనే పదాన్ని వాడదలచుకున్నాను.)

 

ఆదర్శవాదం (Idealism) మనిషిలోని సత్ప్రవర్తన మీద నమ్మకముంచితే ఈ అనాదర్శవాదం మనిషిలోని దుష్ప్రవర్తనను ఎత్తి చూపుతుంది. దానికి తగిన విధంగా నడచుకోమని బోధిస్తుంది. 

ఈ వాదం కీడెంచి,మేలెంచమని చెబుతుంది. ఆదర్శవాదం ఆశావాదమైతే (Optimism) ఇది నిరాశావాదం (Pessimism). ఎందుకంటే ఇది  ఆదర్శవాదం వలే మనుషులలో నీతిని, సత్ప్రవర్తనను ఆశించదు. అందుకు విరుద్ధంగా ఇది మనుషులను నీతిలేనివారిగా, దుష్ప్రవర్తనకలిగిన వారిగా మాత్రమే అంచనా వేస్తుంది. ఆవిధంగానే వారిని గుర్తిస్తుంది. 

ఇది కూడా వాస్తవికతను (Reality) పరిగణనలోకి తీసుకోదు. అంతా సవ్యంగా ఉన్నప్పటికీ అనుమానాన్ని వ్యక్త పరుస్తుంది. ఎదుటి వ్యక్తికి దురాలోచనను అంటగడుతుంది. అందుకే అనాదర్శవాదం కూడా ఒక అవాస్తవికవాదమే. అలాగని అనాదర్శవాదాన్ని పూర్తిగా తోసిపుచ్చలేం. సమాజంలో వక్రంగా ఆలోచించేవారికి కొరతలేదు కనుక అనేక సందర్భాలలో దుష్టబుద్ధి కలిగిన వారి బారిన పడి నష్టానికీ, కష్టానికీ గురికాకుండా ఈ అనాదర్శవాదం మనలను కాపాడుతుంది. 

కానీ ప్రతీసారీ ఈ అనాదర్శవాదాన్ని ఆచరించినందువలన మనకు మర్యదలేనివారిగా, వక్రంగా అలోచించేవారిగా, Bad Person గా ముద్ర పడుతుంది. సజ్జనుల యెడల కూడా అనాదర్శవాదాన్ని ఆచరించాలని ప్రయత్నించడం నిజంగా మూర్ఖత్వమే అవుతుంది.  

 

ఈ విధంగా మనిషిలో ఉండే మంచి చెడులలో ఆదర్శవాదం మంచి అనే పార్శ్వాన్ని మాత్రమే గుర్తిస్తే అనాదర్శవాదం చెడు అనే పార్శ్వాన్ని మాత్రమే గుర్తిస్తుంది. 

అందుకే ఈ వాదాలు రెండూ కూడా మనిషికి పాక్షికంగానే ఉపయోగపడతాయి. ఈ రెండూ కాకుండా మనిషికి పూర్తి ప్రయోజనం చేకూర్చేటటువంటి వాదం కూడా ఒకటున్నది... అదే వాస్తవికవాదం.

వాస్తవిక వాదం (Realism) : 

ఈ వాదం ఆచరణలో ఎదురయ్యే వాస్తవ పరిస్థితులను పరిగణనలోకి తీసుకొని తగిన విధంగా మనం వ్యవహరించవలెనని చెబుతుంది. అంటే మన ప్రవర్తన ఎప్పుడూ ఒకే మూసలో కాకుండా ఎదుటివారినిబట్టి ఒక్కోసారి ఆదర్శవాదాన్ని (Idealism), ఒక్కోసారి అనాదర్శవాదాన్ని (Cynicism) ఆచరించాలని చెబుతుంది. 

పేరులో ఆదర్శం లేకపోయినా నిజానికి ఇదే ఆదర్శవంతమైన ప్రవర్తన.  

యోగభావనలు (Concepts of Yoga ) - 9

Physical Result - Potential Result

మనం ఒక పని చేసినపుడు దానికి రెండు రకాల ఫలితాలు ఉంటాయి.

ఒకటి Physical Result.

ఇది పైకి కనిపించే ఫలితం. దీని వలన కలిగే లాభనస్టాలను మనం తక్షణం పొందుతాము. అసలు ఎవరైనా దీనికొరకే ఏ పనినైనా చేస్తారు. 

రెండవది Potential Result.

ఇది పైకి కనిపించదు. వివేకవంతులు మాత్రమే దీనిని చూడగలరు. దీని వలన కలిగే లాభనస్టాలను మనం కొంతకాలం గడిచిన తరువాత పొందుతాము. అప్పటి వరకు ఇది Reserve రూపంలో ఉంటుంది. కానీ ఇదే అసలైన ఫలితం. మన తలరాతను నిర్దేశించే ఫలితమిదే.

కనుక ఏపని చేసినా ముఖ్యంగా Potential Result మీద దృష్టి ఉంచి ఆపని చేయాలి.

ఓ పని చేసినపుడు Physical Gain ఒక వంతు ఉండి Potential Loss నాలుగు వంతులు ఉందనుకోండి. ఆపనిని ససేమిరా చేయకూడదు.

కానీ Vision లేనివారు Potential Formలో ఉండే లాభనష్టాలను చూడలేరు. వారు పైకి కనిపించే Physical Gain మాత్రమే చూసి ఆ పనిని చేస్తారు. కానీ కాలాంతరంలో నష్టపోతారు.

ఉదాహరణకు ఓ సంసారి అద్దె ఇంట్లో ఉంటున్నాడు. అతడు అద్దె కొంచెం ఎక్కువ పెట్టి, ఓ మంచి ప్రదేశంలో ఇల్లు తీసుకోగలిగిన స్థోమత ఉండి కూడా తక్కువ అద్దె అనో, పని ప్రదేశానికి దగ్గరనో మంచి వాతావరణం కాని చోట ఇల్లు తీసుకున్నాడనుకుందాం.

దాని వల్ల అతనికి మిగిలే డబ్బు అతడి Physical gain.

కానీ అక్కడి చెడు వాతావరణం వలన అతడికి కలిగే నష్టం Potential loss.

ఈ నష్టం అతడికి కలిగే కొద్ది లాభం కన్నా చాలా ఎక్కువగా ఉంటుంది. అతడి పిల్లలు చెడు సావాసాలకు లోనౌతారు. దురలవాట్లకు బానిసలౌతారు. తమ భవిష్యత్తును పాడు చేసుకుంటారు. చివరకు అతడి కుటుంబమే అస్తవ్యస్తమైపోతుంది.

అలాగే మరో ఉదాహరణ.

ఓ ఇల్లాలు ఆఫీసుకు పోయి ఉద్యోగం చేస్తే ఆమెకు వచ్చే జీతం ఆమె Physical gain.

గృహిణిగా ఇంట్లో ఉండి తన పూర్తి సమయాన్ని తన కుటుంబ సభ్యుల కొరకు వినియోగిస్తే ఆమె ఉద్యోగం చేయడంద్వారా కలిగే ఆర్దిక ప్రయోజనాన్ని కోల్పోతుంది. కానీ అంతకు మించి ఎన్నోరెట్లు Potential gain ఆ కుటుంబం మొత్తానికీ కలుగుతుంది.

కనుక ఏమి చేయాలనేది ఈ రెండింటినీ దృష్టిలో ఉంచుకొని నిర్ణయించుకోవాలి. స్థోమత గనుక ఉంటే ఏ ఇల్లాలి కైనా గృహిణీధరాన్ని నిర్వర్తించడమే లాభదాయకం.

ఓ దురాశాపరుడైన వ్యాపారి నాణ్యతలేని సరుకులు, కల్తీ సరుకులు అమ్మినపుడు అతడికి కొంత ఆర్థిక ప్రయోజనం కలుగుతుంది. కానీ అతడు చేసినది తప్పు కనుక ఆ Physical gain కన్నా ఎన్నోరెట్లు Potential lossను అతడు మూటకట్టుకుంటాడు. కాలాంతరంలో ఆ నష్టాన్ని అతడు అనుభవించక తప్పదు.

(Physical Result, Potential Resultలలో ఒకటి gain అయితే రెండవది loss అవుతుందనేం లేదు. 

అలానూ జరగవచ్చు, లేదంటే రెండూ gain అవవచ్చు, లేదంటే రెండూ loss కూడా అవవచ్చు. సందర్భాన్ని బట్టి ఎలాగైనా జరగవచ్చు.

ఉదాహరణకు విద్యార్జన చేయడం వలన Physical gain మాత్రమే కాదు, Potential gain కూడా ఉంటుంది. 

అలానే చెడుస్నేహాలవలన Physical loss మాత్రమే కాదు, Potential loss కూడా ఉంటుంది. )

ఓ పని చేసినపుడు తక్షణం సిద్దించే ప్రయోజనం (Physical gain) స్వల్పమైనదే కాక కొద్ది కాలం మాత్రమే ఉంటుంది. కానీ ముందు Potential from లో Reserve గా ఉండి కాలాంతరంలో మనకు సిద్దించే ప్రయోజనం ఎన్నో రెట్లు ఎక్కువగా ఉండటమేకాక చిరకాలం నిలచి ఉంటుంది.

కనుక పైకి కనిపించే లాభం మీద, తక్షణం సిద్దించే ప్రయోజనం మీద కాక కాలాంతరంలో అనివార్యంగా సిద్దించే, ఎన్నోరెట్లు ఎక్కువగా ఉండే ఫలితాన్ని దృష్టిలో ఉంచుకొని అందుకు అనుగుణంగా ఏ పనినైనా చేపట్టాలి.

కర్మసిద్ధాంతం నమ్మేవారు ప్రారబ్దం అన్నా, సంచిత ఫలం అన్నా వారు మాట్లాడుతున్నది Potential Result గురించి మాత్రమే.

జనసామాన్యం పాపం-పుణ్యం, ఖర్మ, తలరాత అన్నప్పుడు కూడా వారు మాట్లాడుతున్నది  Potential Result గురించి మాత్రమే.

కాకపోతే ఆ మాటలను తరతరాలుగా వినీ వినీ అలవాటైపోయి వాటిని మూఢత్వంగా భావించడం మనకు మామూలైపోయింది.

వాటిని నమ్మేవారు కూడా పరిమితార్థంలోనే వాటిని అర్థం చేసుకుంటున్నారు.

యోగభావనలన్నీ ప్రతి భారతీయుడికీ కొట్టిన పిండి. కాకపోతే వాటిని శాస్త్రీయంగా, ఓ క్రమపద్దతిలో అధ్యయనం చేయకుండా పడికట్టు మాటలరూపంలో వినడంవలన ఇలాంటి పరిస్థితి దాపురించింది.  

యోగ భావనలు (Concepts of Yoga) - 8

VISIBLE SUCCESS – INVISIBLE SUCCESS

visible success is conditional 

లోకానికి ప్రకటించే విధంగా లేక ఇతరులు గుర్తించే విధంగా ఉన్న విజయాన్ని visible success అనవచ్చు. ఇలాంటి విజయం కోసం ఈ లోకంలో అనేక మంది అర్రులు చాస్తుంటారు. మరి దీనిని ఎలా సాధించాలి. 

దీనికోసం ప్రయత్నం చేసినంత మాత్రాన ఇది లభించదు. ఇది అనేక షరతుల మధ్యన మనకు దొరుకుతుంది.

ఆ షరతులేవంటే

మనలో Potentiality ఉండాలి. 

ఉండగానే సరిగాదు,………. అది తగినంత పరిమాణంలో (తగినంత స్థాయిలో) ఉండాలి.

అది గూడా సరిపోదు, …………దానిని విజయంరూపంలోకి మార్చడానికి తగిన ప్రయత్నం చేయాలి. 

అది గూడా ఏదో ఓ రంగంలో ప్రయత్నిస్తే సరిపోదు. ……………మన స్వభావానుకూలమైన రంగంలో మాత్రమే ప్రయత్నించాలి. 

అప్పుడు మాత్రమే మనకు visible success దొరుకుతుంది.

ఏవరిలోనైనా తగినంత Potentiality అనేది దీర్ఘకాలంలో మాత్రమే accumulate అవుతుంది. అది కూడా క్రమశిక్షణాయుతమైన జీవితం గడిపినప్పుడు మాత్రమే.

ఇన్నిషరతుల మధ్యన లభించే విజయం కొరకు మన ఆకాంక్షలమేరకు ప్రయత్నించడం అనేది మూర్ఖత్వం.

invisible success is unconditional

Potentiality కొరకు ప్రయత్నించినపుడు మాత్రం మనం బేషరతుగా సఫలీకృతులమవుతాము. దీనికొరకు క్రమశిక్షణాయుతమైన జీవితం చాలు. visible success కొరకు ఆత్రపడకుండా సహనంతో ఉంటే చాలు. 

మనలో పెంపొందుతున్న Potentiality మనకూ కనబడదు, ఈ లోకానికి కూడా కనపడదు. అందుకే దానిని సాధించడం అనేది Invisible Success.

మనం Potentiality సాధించిననాడే Success అయినట్లు లెక్క. Visible Success సాధించిన రోజు దానిని మనతోపాటు లోకం కూడా గుర్తిస్తుంది అంతే.

మన focus అంతా Potentiality accumulation మీద మాత్రమే ఉండాలి. మన సమయాన్ని అందుకొరకు మాత్రమే వెచ్చించాలి. Visible Success గురిచి పట్టించుకోకూడదు. ఎందుకంటే నీలో  తగిన Potentiality గనుక ఉంటే విజయం సహజసిద్ధమైన రీతిలో లభిస్తుంది, అప్రయత్నంగా లభిస్తుంది, దానంతటదే లభిస్తుంది. ఒకవేళ నీలో తగినంత Potentiality గనుక లేనట్లైతే నీవు ఎంత ప్రయత్నించి నా విజయం నీదరికి రాదు. కనుక దాని మీద దృష్టి పెట్టడం వ్యర్థం.

ఓ సారి విజయం లభించిన తరువాత కూడా నీవు దానిమీద దృష్టిపెట్టవలసిన పనిలేదు. దొరికిన విజయాన్ని పదిలపరచుకోవడం, మరింత విజయం పొందడం గురించి నీవు ఆలోచించవలసిన అవసరమే లేదు.  నీవు ఎల్లప్పుడూ నీ Potentiality పెంపు చేసుకోవడం మీద మాత్రమే దృష్టి పెట్టాలి.

అలా గనుక నీవు ఉన్నట్లైతే నీకు నీ జీవితంలో కొంత కొంత విరామంతో మరలా మరలా (time and again) విజయం లభిస్తూనే ఉంటుంది. 

అలాంటి విజయం ఏ స్థాయిలో ఉంటుందంటే నీవు కోరుకోవడానికి కూడా సాహసించనంతటి స్థాయిలో ఉంటుంది. నీవు కలగనడానికి కూడా ధైర్యం చేయలేనంతటి స్థాయిలో ఉంటుంది. నీవు లక్ష్యంగా నిర్దేశించుకున్న విజయం కన్నా ఎన్నోరెట్లు గొప్పగా ఉంటుంది.

Potentiality only matters, visible success doesn't matters

ఒకవేళ నీవు ఎలాంటి క్రమశిక్షణాయుతమైన గత జీవితం లేకుండా కేవలం Visible success మీద ఆశతో, దాని కొరకు ఆతురతతో ప్రయత్నించి సఫలీకృతుడైనట్లతే జన్మతః నీలో కొంత Potentiality ఉన్నట్లు లెక్క. అలాంటి సందర్భంలో ఆ Potentiality కాస్తా ఆ విజయంతో consume అయిపోతుంది. ఎటూ క్రమశిక్షణ లేదు కనుక ఆ ఒక్క విజయం కాలగతిలో fadeout అయిపోతుంది.

జీవితంలో జయాపజయాలు పొందడం అనేది వైకుంఠపాళి ఆట లాంటిది.ఈ ఆటలో మనం ఎంత క్రింది స్థాయిలో ఉన్నాకూడా మనలను అంతకన్నా పైస్థాయిలకు తీసుకువెళ్ళడానికి నిచ్చెనలుంటాయి. అలానే ఎంత పైస్థాయిలో ఉన్నాకూడా మనలను క్రింది స్థాయిలకు దిగలాడానికి పాములు ఉంటాయి. 

అలానే ఎన్ని విజయాలు పొంది, ఎంత ఉన్నత స్థానం చేరినాకూడా Potentiality అనేది accumulate అవడం ఆగిపోతే విజయాన్ని పొందడం అనేది అంతటితో ఆగిపోతుంది. విజయం పొదడం అనే ప్రక్రియ ఒకసారి ఆగిపోతే త్వరలోనే ఆ వ్యక్తి, లోకం దృష్టిలోfadeout అవడం అనేది జరిగిపోతుంది.

అలానే ఎన్నో అపజయాలెదురై ఎంతో క్రింది స్థాయిలో ఉన్నా కూడా మనలో సుగుణాలు గనుక ఉన్నట్లైతే కాలక్రమంలో Potentiality సంచయనం (accumulation) జరిగి అది విజయంగా రూపాంతరం చెందుతుంది.

కనుక మనం visible success మీద దృష్టి పెట్టడం మానేసి కేవలం potentiality accumulation మీద మాత్రమే దృష్టి (focus) పెట్టినట్లైతే, visible success అనేది మన జీవితంలో time and again సంభవిస్తూనే ఉంటుంది.

ఈ ప్రక్రియను మనం కేవలం మన ఆతురతకొద్దీ పాడు చేసుకుంటూ ఉంటాము.

ఇక చివరిగా కాలక్రమంలో Potentiality సంచయనం ఏకారణంగా జరుగుతుందో చెప్పుకుందాము.

క్రమశిక్షణ వలన అని చెప్పవచ్చు,

సుగుణాలవలన అని చెప్పవచ్చు,

విలువలతో కూడుకున్న జీవితం వలన అని చెప్పవచ్చు,

సాధన వలన అని చెప్పవచ్చు,

తపస్సు వలన అని చెప్పవచ్చు.

ఎలా చెప్పినాకూడా దీనిని సరైన అర్థంలో ఆచరించినప్పుడు మాత్రమే ఫలితం ఉంటుంది. పైన చెప్పిన మాటలకు ఎవరి అర్థాలు వారు చెప్పుకుని తమకు తోచిన అర్థంలో ఆచరిస్తే ఫలితం ఉండదు. కనుక ఆ సాధనా మార్గం గురించి సవివరంగా ప్రత్యేకంగా చర్చించుకుందాం. 

యోగ భావనలు (Concepts of Yoga) - 7

SUCCESS CHAIN

WHERE IT STARTS AND WHERE IT ENDS

విజయం ఒక గొలుసు లోని చివర అనుకుంటే దాని మొదలు ఏది ? మద్య భాగాలు ఏవి?

అంటే ఏ చర్యా క్రమం అంతిమంగా విజయానికి దారితీస్తుంది?

ఆ క్రమం ఎక్కడ మొదలవుతుంది ? 

ఏ చర్యతో మొదలవుతుంది?

మరలా ఏ ఏ చర్యలగుండా ప్రయాణిస్తుంది?

ఆ క్రమం యొక్క స్వరూపం ఏవిధంగా ఉంటుంది?

ఏం చేస్తే విజయం లభిస్తుంది అనే ప్రశ్నకు సహజంగా అందరూ చెప్పే సమాధానం కష్టపడితే విజయం వరిస్తుంది అనే!

మరి కష్టపడినవారందరికీ విజయం లభిస్తుందా అంటే… లేదనేదే జవాబు!

మరి అలాగని కష్టపడకపోతే వస్తుందా అంటే….. అప్పుడూ కాదన్నదే సమాధానం!

మరి సరైన సమాధానం ఏమిటి అంటే కష్టపడినవారిలో కొందరికి విజయం లభిస్తుంది. 

అంటే కష్టపడినా కూడా కొందరికి విజయం లభించదనే కదా అర్థం.

అంటే కష్టపడటం అనేది విజయానికి మూలకారణమైతే కాదు

విజయాన్ని అందుకునే క్రమంలో కష్టపడటం, తద్వారా విజయం పొందటం అనేవేకాక ఇంకా ఏవో ఉన్నాయి. 

అంటే ఇవి రెండు కన్నా ఎక్కువ. 

ఈ క్రమంలో కష్టపడటం కన్నా ముందు వచ్చేది ఏమిటి. 

కష్టపడేవారిలో విజయానికి తగిన పొటెన్షియాలిటీ ఉన్నవారు మాత్రమే విజయాన్ని పొందుతారు. 

అంటే కష్టపడటం ఒక్కటే సరిపోదు.  తగిన పొటెన్షియాలిటీని or పొటెన్షియల్ రిజర్వ్ ని కలిగి ఉండాలి. 

అంటే success chain లో మూడో అంశం వచ్చింది. అదే కష్టపడటానికన్నా ముందే తగిన potential resreve ను కలిగి ఉండటం.  

మరి ఎవరైనా కష్టపడితే విజయం సిద్ధిస్తుంది అని మాత్రమే చెబుతారెందుకు.

ఈ పొటెన్షియాలిటి గురించి చెప్పరెందుకు.

ఎందుకంటే success chain లో కష్టపడటం, తద్వారా విజయాన్ని పొందటం అనేది మాత్రమే visible part. అతకన్న ముందు ఉండేదంతా invisible part.

ఆ కనపడని భాగాన్ని దర్శించలేనివారు దాని గురించి ఏమి చెప్పగలరు. 

అప్పటికీ కొందరు వేదాంత ధోరణిలో అదృష్టం, తలరాత, ప్రారబ్దం, గతజన్మ కర్మఫలం లాంటి వాదనలు చేస్తారు కానీ అవి అంత స్పష్టంగా, శాస్త్రీయంగా ఉండవు. 

ఆ వాదనలన్నీ ఈ ఆధునిక ప్రపంచంలో మూఢనమ్మకాలుగా కొట్టివేయబడతాయి.  

ఇక మిగతా చర్చను కొన్ని ప్రశ్నోత్తరాల రూపంలో కొనసాగిద్దాం

ఈ potential reserve వల్ల విజయం ఎలా వస్తుంది?

ఇది విజయపు పూర్వరూపం. ఈ reserve ప్రయత్నం లేక కష్టపడటం అనే మాధ్యమం ద్వారా విజయంగా రూపాంతరం (transformation) చెందుతుంది.

ఐతే ఈ potential reserve ఎక్కడనుండి వస్తుంది. ఎలా వస్తుంది?

ఇది కాలక్రమంలో నెమ్మదిగా పోగుబడుతుంది (accumulate). క్రమంగా పెరుగుతుంది. నిర్ణీత పరిమాణానికి చేరుకోగానే రూపాంతరీకరణకు (transformation) సిద్ధమవుతుంది.

ఇది ఇలా పోగుబడటాన్ని నిర్దేశించే అంశమేది?

మనం మంచి పనులు, మంచి ఆలోచనలు చేసినపుడు positive reserve పోగుబడుతుంది

చెడు పనులు, చెడు ఆలోచనలు చేసినపుడు negative reserve పోగుబడుతుంది

positive reserve, negative reserve లలో ఏది ముందుగా  నిర్ణీత పరిమాణానికి చేరుకుంటుందో అది ముందుగా రూపాంతరీకరణ చెందుతుంది.

positive reserve ఐతే విజయంగా మారుతుంది. negative reserve ఐతే పతనంగా మారుతుంది.

positive reserve సాధ్యమైనంత ఎక్కువగా పోగుబడేటట్లుగా ఎల్లప్పుడూ మంచి పనులు, మంచి ఆలోచనలు చేయడం; negative reserve సాధ్యమైనంత తక్కువగా పోగుబడేటట్లుగా అన్నివేళలా చెడు పనులు, చెడు ఆలోచనలకు దూరంగా ఉండటానికి ప్రయత్నించడం.... ఇదే సాధన!

మంచి చెడుల నిర్వచనమేది?

మంచి చెడుల గురించి ఎవరి వ్యక్తిగత అభిప్రాయాలు వారికి ఉంటాయి. వాటిని అనుసరిస్తే potential accumulation జరుగుతుందని చెప్పలేము. ఎక్కువ మంది మంచి చెడులను ధర్మాధర్మాల దృక్కోణంలో చూస్తారు. కానీ ఈ సాధనలో అలా కాక మంచి చెడులను బలం బలహీనతల దృక్కోణంలో చూడాలి. అది ఎలా అనేది ప్రత్యేక చర్చ.

ఈ మొత్తం చర్చ అనంతరం success chainను మనం ఈవిధంగా చెప్పవచ్చు. 

బలం బలహీనతల దృక్కోణంలో మంచి పనులను, మంచి ఆలోచనలను చేయడం, తద్వారా కాలక్రమంలో Positive potential ను accumulate చేసుకోవడం, అది నిర్ణీత పరిమాణానికి చేరుకున్న తరువాత దానిని ప్రయత్నపూర్వకంగా విజయంగా మార్చుకోవడం. ఇదీ క్రమం.